Сейсмология институтунун маалыматына ылайык, 30-январда 4 жолу жер титирөө катталды. Бул тууралуу Өзгөчө кырдаалдар министрлиги билдирди.
Жер титирөө Кыргызстандын Ысык-Көл облусунун Жети-Өгүз районуна караштуу Бедел айылында 5 баллга чейин сезилген.
Сейсмология институтунун маалыматына ылайык, Кыргыз Республикасынын Ош облусунда саат 10:51де жер титирөө катталып, очогунда күчү 3,6 баллга жеткен. Жер титирөө Алай районунун Мурдаш, Сопу-Коргон айылдарында жана Кара-Суу районунун Тээке, Лаглан айылдарында 3 баллга чейин сезилген.
Алдын ала маалымат боюнча жер титирөөдөн жабыркагандар жана кыйроолор катталган жок.
Бегимай Асанова