Кыргызстандын футзал боюнча улуттук курама командасы Борбор Азия футбол ассоциациясынын чемпионатында экинчи жеңишке жетишти. Бул тууралуу Кыргыз фудбол союзунан билдиришти.
Турнир ушул күндөрү Тажикстандын Дүйшөмбү шаарында өтүп жатат.
Тайпалык баскычтын 2-турунун алкагындагы беттеште кыргызстандыктар Тажикстан фудбол курамасы менен беттешип, 4:2 эсебинде жеңишке жетишти.
Эки голду Кенжебүбү Ырысбек кызы киргизсе, Нурсулуу Мурзакулова менен Медина Рыспекова дагы бирден гол киргизишти.
Биринчи турда кыргызстандыктар Түркестандын командасын 3:1 эсебинде утуп алган. Эки раунддун жыйынтыгы менен Кыргызстандын командасы 6 упайга ээ болуп, 1-орунду ээледи.
7-февралда Кыргызстандын курама командасы Иран менен беттешет.
