Кыргызстандык окуучулар Румынияда ийгилик жаратты

Кыргызстандык окуучулар Румынияда өткөн VIII эл аралык Info (1) Cup олимпиадасында алты медаль алышты. Бул тууралуу Билим берүү жана илим министрлиги билдирди. Мелдеш 10-12-февралда өткөн. Кыргызстандык окуучулар үч күмүш жана үч коло медаль жеңген.
Алар: Алихан Айдарбеков, Нарын шаарындагы М.Субакожоев атындагы лицейдин 10-классынын окуучусу — күмүш медаль;
Ян Бобрус, Бишкектеги «Газпром Кыргызстан» мектебинин 8-классынын окуучусу — күмүш медаль;
Абдулазиз Лебиев, Бишкек шаарындагы Чыңгыз Айтматов атындагы лицейдин 10-классынын окуучусу — күмүш медаль;
Айпери Акжолтоева, Зияш Бектенов атындагы Ысык-Көл кыздар лицейинин 10-классынын окуучусу – коло медаль.
Абдуллахан Абдирасулов, Ош «Сема» лицейинин 8-классынын окуучуcу – коло медаль;
Байыш Миңбаев, Ош «Сема» лицейинин 9-классынын окуучуcу – коло медаль.
Мелдешке Кыргызстан, Армения, Азербайжан, Бельгия, Болгария, Египет, Грузия, Венгрия, Казакстан, Молдова, Румыния, Сирия жана Украинадан 135 окуучу катышкан.