Өрт коопсуздугун сактабаган курулуш компанияга 200 миң сом айып салынды

Бишкекте өрт коопсуздугун сактабаган курулуш компаниясына 200 миң сом айып салынды. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.
Белгилей кетсек, 12-августта Бишкектеги Анкара 3а дарегиндеги «Аалам Строй» ЖЧКсынын курулуш объектисинде өрт чыккан.
Мамкурулуштун Бишкек шаары боюнча архитектуралык-курулуш контролдоо башкармалыгы өрт чыккан жерге кароо жүргүзүп, анын жыйынтыгында, курулуш компаниясына жазма буйрук берип, КР Укук бузуулар кодексине ылайык 200 миң сом өлчөмүндө айып салды.