Кийинки жылдан тарта айдоочулук күбөлүк алууну каалаган кыргызстандыктардан экзаменди жасалма интеллект алат. “Эми сынактарга адамдар катышпайт. Экзаменге кирген адам компьютер берген суроолорго жооп берет, тапшырса өтөт”, — деди Каныбек Туманбаев. Президенттин иш башкаруучусу ошондой эле кыргызстандыктарды эски айдоочулук күбөлүктү мындан ары “Түндүк” тиркемеси аркылуу алмаштырууга болорун кошумчалады. Бул үчүн тиркемеге сөзсүз 083 формасындагы маалым катты жүктөш керек.
Адина Асылбекова