Москвада өткөн ACA 197 турнириндеги биргелешкен башкы беттеште Мырзабеков тез жеңишке жетишти. Ал орусиялык мушкер Узаир Абдураковду болгону 33 секундда муунтуу ыкмасы менен жеңилүүгө мажбур кылды.
14–2 рекордуна ээ Мырзабеков бул беттешке орто салмактагы убактылуу чемпиондук куруна талапкер катары чыккан. Анын атаандашы дивизиондогу экинчи номер болгон Абдураков (20–1–1) эле.
Бул жеңиш спортчуга убактылуу чемпиондук наамды алып, ACAнын орто салмактагы лидерлери арасындагы позициясын бекемдөөгө мүмкүндүк берди.
Нурзаада Мурзаматова