10-май күнү 180 зыяратчы Ош эл аралык аэропортунан Медина шаарына учуп кетишти. Болочок ажыларды сапарга Муфтий Абдулазиз кары Закиров, Дин башкармалыгынын кызматкерлери, Сауд Арабиянын Атайын жана Ыйгарым укуктуу Элчиси Ияд бин Гази Хаким узатышты.
Муфтият билдиргендей, Сауд Арабиясынын аймагына киргенде тартипти сактоо маанилүү. Бул бардык формалдуулуктардан тез өтүүгө жана убакытты үнөмдөөгө жардам берет. Маалыматка ылайык, Nusuk картасы жок Мекке шаарына жана ыйык жайларга кирүү мүмкүн эмес. Бул карта негизги кызматтардан пайдаланууга да мүмкүнчүлүк берет. Аны сапарды уюштуруучулардан алууга болот. Санарип версиясы Nusuk жана Tawakkalna тиркемелеринде жеткиликтүү. Ажылыктын негизги иш-чаралары…
