Кыргызстанда чет өлкөлүк мамлекеттик номур менен жүргөн унааларды кошумча легалдаштыруу өнөктүгү аяктады.
Жыйынтыгында 5 531 унаа легалдаштырылып, мамлекеттик каттоодон өттү. Алардын ичинен 48и оң рулу сол рулга өткөрүлгөн («перекид») унаалар.
Легалдаштырылган унаалардын:
• 4 870и — кыймылдаткычы 2 000 см³ чейин;
• 661и — 2 000 см³дөн жогору.
Бардык унааларга Кыргызстанда «10» аймактык коду бар мамлекеттик номерлер берилди.
Өнөктүк Кыргызстанга 2024-жылдын 31-декабрына чейин киргизилген жана мурда өлкөдө каттоодон өтпөгөн унааларга тиешелүү болгон. Бир жаран бир гана унааны легалдаштыра алган.
