Орто-Токой суу сактагычына 1 миллион 200 миң сига-лудога балыгынын чабактары кое берилди. Бул тууралуу Суу ресурстары, айыл чарба жана кайра иштетүү өнөр жай министрлигинен билдиришти.
«Бул иштер балыкты сактап калуу жана санын көбөйтүү максатында үч жылдан бери жасалып келе жатат. Баштапкы салынган чабактар азыркы тапта салмак алып, сатууга жарап калган. Улуттук илимдер академиясынын изилдөөсүндө суу сактагычта балыктар жакшы өсө тургандыгы аныкталган», — деп айтылат маалыматта.
Чабактар Балык чарба департаментинин «Тоң балык заводу» мамлекеттик ишканасы тарабынан кое берилди.
Нурзаада Мурзаматова