Бишкекте коопсуздук курун тагынбагандарды каттаган камералар орнотулду
Жол кыймылынын коопсуздугун камсыздоо башкармалыгынан билдиришкендей, эми Чыңгыз Айтматов проспектиси толугу менен көзөмөлгө алынат. Ошондой эле Ахунбаев — Токтоналиев жана Махатма Ганди — Баялинов көчөлөрүнүн кесилиштерине камералар орнотулду. Аппараттык-программалык комплекстер коопсуздук курун тагынбагандарды, каршы тилкеге чыккандарды, ылдамдыкты ашыргандарды жана жол чырак кызыл күйгөндө өтүп кеткендерди каттайт.