ӨКМдин куткаруучулары маркумдун сөөгүн алты күн издеп, 18-февралда көчкү алдынан таап чыгышты. Куткаруу иштерине жалпы 70 адам тартылды. Суусамырдын Бороондуу жайлоосунда 59 жаштагы кишини 12-февраль күнү 50 баш кою жана аты менен кар көчкү басып калган.
Салыктык отчеттуулуктун маанилүү этабы башталды, ал уюмдардан жана мамлекеттик кызматкерлерден ыкчам аракеттерди талап кылат. Салык кызматы 1-апрель — юридикалык жактар жана муниципалдык кызматкерлер үчүн декларация тапшыруунун акыркы күнү экенин эскертет. Бул Кыргызстанда иштеп жаткан ата мекендик компанияларга да, чет өлкөлүк мекемелерге да тиешелүү. Жеке бизнес ээлери жана катардагы жарандар алардын отчет тапшыруу мөөнөтү 1-майда аяктай…
Ош шаарынын жыл жыйынтыгын чыгарган коллегиялык жыйыны болуп өттү. “2025-жылы Ош шаарына республикалык бюджеттен мурда болуп көрбөгөндөй көлөмдө акча каражаттар бөлүндү. Кыргызстан боюнча эң көп каражатты 2025-жылы Ош шаарына 6,6 млрд сом бердик” – деди Министрлер Кабинетинин Төрагасы Адылбек Касымалиев. МинКаб башчысынын айтымында 2025-жылы Ош шаарында 9 мектеп, 9 бала бакча жаңырды, 7 спорт, 2…
Аны бошотуу чечими жогорку деңгээлде кабыл алынып, президент Садыр Жапаров ырайым кылуу жөнүндө жарлыкка кол койду. Эске салсак, 2024-жылдын октябрында сот Ажиевди мүлкүн конфискациялоо менен 9 жылга эркинен ажыраткан. Ал притон уюштуруу, порнография таратуу, кылмыштуу топ түзүү жана алдамчылык боюнча күнөөлүү деп табылган. Вебкам-тармактын уюштуруучусу 2023-жылы кармалган болчу.
Ички иштер министрлигинин мыйзам долбоору Жогорку Кеңеште каралууда. Тажатма тилемчиликтин деңгээлин төмөндөтүү үчүн аларга айып пул салуу, чет жактан келген кайырчыларды мекенине депортациялоо сунушталууда.
УКМК «Решение», «Идальго» жана «Бишкек-Маяк» аттуу реабилитациялык борборлордун ишин текшерип, мыйзам бузууларды аныктады. Алар бейтаптарды таңып, электрошокер менен кыйнашкан. Ошондой эле борборлордун биринде эки бейтап каза болгону кабарланды. Иликтөөнүн алкагында аталган жайларда жетекчилик кызматты аркалаган жети адам камакка алынды.
Президент Садыр Жапаров коомчулукта айтылып жаткан “түндүк-түштүк бөлүнүүсү күчөшү мүмкүн” деген кооптонууларга жооп берип, өлкөдө аймактык ажырымга жол берилбей турганын билдирди. Ал «Кабар» маалымат агенттигине кезектеги маегин берген. Анын айтымында, мындай бөлүнүүлөрдү саясатчылар жеке кызыкчылыгы үчүн козутуп келген. 2021-жылдан бери аймактар аралык ротация жүргүзүлүп, акимдер менен соттор 100 пайыз алмаштырылган. Бул кадам бөлүнүп-жарылууну азайтууга өбөлгө…
Бул тууралуу жолугушууда Россия-Кыргыз өнүктүрүү фондунда Кыргыз Республикасынын Улуттук банкынын төрагасынын орун басары Медет Таиров билдирди. Анын айтымында, учурда финансылык кызматтардын жеткиликтүүлүгүн, ылдамдыгын жана коопсуздугун жогорулатуу боюнча активдүү иштер жүрүп жатат. Медет Таиров белгилегендей, Кыргызстандагы банк сектору экономиканын ылдам өсүшүнүн шартында туруктуулугун сактап келет. Бүгүнкү күндө өлкөдө 24 коммерциялык банк иш алып барат. Банктардын жалпы…
Ош шаарынын мэри Жеңишбек Токторбаев тиешелүү мекеме-ишканалардын жетекчилери менен биргеликте “Алымбек датка” муниципалдык аймактык башкармалыгына караштуу Атабаев жана Ю.Төлөнов көчөлөрүндө кезектеги таңкы рейд өткөрдү. Рейддин жүрүшүндө аталган көчөлөрдө жайгашкан үч көпүрөнүн демонтаждоо иштери жеринде текшерилип, курулуш процессин ыкчам жана сапаттуу бүтүрүү боюнча тиешелүү кызматтарга так тапшырмалар берилди. Шаар башчысы иштерди белгиленген мөөнөттө жана коопсуздук талаптарын…
Мектеп окуучулары жазгы каникулда бир күн, 6-мартта гана эс алышат. Бирок 7-8-март дем алышка туура келип, ошону менен дүйшөмбүгө чейин окубайт. Мындан тышкары, 1-10-майдагы майрамдар да каникул деп көрсөтүлгөн, бирок анда мектептер, башка мекемелер сыяктуу эле иштебейт.
