Бүгүн, ЖК Төрагасы Марлен Маматалиев жаңы шайланган орун басарлары жана Аппараттын жетекчиси менен жыйын өткөрүп, парламенттин ишмердүүлүгүнө байланышкан жагдайларды талкуулады.
Тагыраагы, Жогорку Кеңештин ишин санариптештирүү жаатында бир катар тапшырмаларды берип, алдыда карала турган маселелер тууралуу маалымат алды. Ошону менен катар негизги иш пландар боюнча да пикир алмашты.
Ошондой эле кеңешмеде уюштуруу жана документ жүгүртүү иштерине байланышкан маселелер да талкууланып, Төрага аталган багытта жаңы дайындалган Аппараттын жетекчисине бир топ тапшырмаларды берди.
