Ош облусунда Улуттук коопсуздук боюнча мамлекеттик комитеттин (УКМК) бөлүмүнүн жаңы башчысы дайындалды.
Канат Табалдиев Улуттук коопсуздук боюнча мамлекеттик комитеттин (УКМК) Ош шаары жана Ош облусу боюнча бөлүмүнүн башчысы кызматын аткарууга киришти.
3-мартта президенттин Ош облусундагы ыйгарым укуктуу өкүлүнүн аппаратынын жыйындар залында УКМКнын төрагасынын орун басары Алишер Эрбаев облустук мекеме-уюмдардын өкүлдөрүнө жаңы жетекчини тааныштырды.
Канат Табалдиев Ош облусунун Кара-Суу районунун акими кызматынан өткөн аптада алынган.
Аким болгонго чейин ал Улуттук коопсуздук комитетте иштеген.