Өлкөдө алтындын баасы рекорддук чекке жетти.Бул тууралуу улуттук банктын маалыматында айтылат.
2026-жылдын 13-январында Кыргызстанда алтынды кайра сатып алуу баасы тарыхый эң жогорку көрсөткүчкө жеткени маалым болду. Бүгүн банк калктан бир троя унциясын 405 541 сомдон сатып алууга даяр. Бул 12-январдагы 395 096,5 сомго салыштырмалуу 10 444,5 сомго көп.
Мурунку рекорд 2025-жылдын 26-декабрында катталып, 394 400 сом болгон. Өсүш дүйнөлүк рыноктогу баага байланыштуу: алтын 4 600 долларга чейин жетти.
