Ысык-Көлдөгү жана Орто-Токой суу сактагычындагы сууга жакын жана сууда сүзүүчү канаттууларды кышкы эсепке алуу иштери жүргүзүлдү.
Санакты Жаратылыш ресурстары, экология жана техникалык көзөмөл министрлиги УИАнын Биология институту жана Ысык-Көл биосфералык аймагынын дирекциясы менен биргеликте өткөрдү.
Канаттуулар жыл сайын кыш, жаз жана күз мезгилдеринде экодемографиялык мониторингден өтөт.
Адистердин айтымында, бул изилдөө Борбор Азиядагы маанилүү миграциялык каттам болгон Ысык-Көлдө жашаган кышкы жана келгин канаттууларды изилдөөгө шарт түзөт.
Алынган маалыматтар суу объектилеринин абалын жана аймактын экологиялык балансын баалоого жардам берет.
