Жогорку Кеңештин тармактык комитетинин жыйынында Айыл чарба министрлигине караштуу Айыл чарба долбоорлорун ишке ашыруу бөлүмүнүн жетекчиси Тамчыбек Тулеев маалымат берди.
Анын айтымында, өлкөдө жалпысынан 230 айыл өкмөтү бар. Алардын ичинен сынак аркылуу тандалган 100 айыл өкмөтү жайыттарды натыйжалуу башкаруу үчүн $100 миңден грант алат.
Каражаттын бөлүштүрүлүшү:
$70 миңи — жайыттарды калыбына келтирүүгө;
$30 миңи — жайыттарга болгон жүктү азайтуучу кошумча чараларга (мисалы, малга тоют өндүрүүчү цехтерди ачууга) жумшалат.
Министрлик бул каражаттарды донорлордон насыя түрүндө алып жатканын белгиледи.
Расмий өкүлдүн айтымында, учурда жайыттардын абалы оор жана аларды калыбына келтирүү үчүн ыкчам чаралар талап кылынат.
