Тиешелүү мыйзам долбоору Жогорку Кенешке киргизилди. Документке ылайык, 18 жашка чейинки жарандардын диний билим алуу максатында өлкөдөн чыгышына толук тыюу салуу каралууда.
Ошондой эле мындай сапарга шарт түзгөн ата-энелер жана башка адамдар жоопкерчиликке тартылат.
Айып пулдар:
жеке жактар үчүн — 6 600 сом
юридикалык жактар үчүн — 20 000 сом
Өзгөртүүлөр бир катар мыйзамдарга, анын ичинде балдар, билим берүү, тышкы миграция жана дин тутуу эркиндиги тууралуу мыйзамдарга киргизилүүдө .
Долбоордун авторлору бул демилге-балдардын укугун коргоо, улуттук коопсуздукту камсыз кылуу, радикал жана экстремисттик агымдардын алдын алуу максатын көздөйт деп белгилешет.Мыйзам долбоору коомдук талкуудан өткөн. Эми ал парламенттин тиешелүү комитеттеринде каралат.
