Бул тууралуу Израилдин коргоо министри Исраэль Кац маалымдаган.
Эми жакын арада Израилдин аймагына да ракета жана учкучсуз учуучу аппараттар менен чабуул жасалышы ыктымал, буга байланыштуу өлкөгө өзгөчө абал режими киргизилди.
Жергиликтүү Fars маалымат агенттигинин маалыматына ылайык, Тегеранда үч жарылуу болгон. Mehr агенттигинин маалыматына ылайык, бир нече ракеталар Университет көчөсүнө жана Тегерандын борбордук аянты болгон Жумхури районуна түшкөн.
Кийинчерээк Tasnim агенттиги Ирандын борбор калаасында жаңы жарылуулар болгонун билдирди.
