Акыркы беш жылда Кыргызстанда 141 тонна алтын өндүрүлгөнүн жаратылыш ресурстары министринин орун басары Жогорку Кеңештин тармактык комитетинде билдирди.
Анын айтымында, 2020-жылга чейин жылына орточо 15 тонна казылса, 2021–2025-жылдары бул көрсөткүч орто эсеп менен 26 тоннага жеткен.
Ошондой эле «Кумтөр» боюнча маалымат берилди: таза киреше 2024-жылы 397,7 млн доллар, 2025-жылы 706 млн доллар болгон. 2021–2025-жылдары ишкана бюджетке 100,6 млрд сом төлөп, ал эми акыркы беш жылда жер казынасын иштетүүдөн түшкөн салык жана башка төлөмдөр 217,9 млрд сомду түзгөн.
