Кыргызстанда мамлекеттик сыйлыктардын жана ардак наамдардын саны 46дан 22ге чейин кыскартылды. Тиешелүү мыйзамга президент Садыр Жапаров кол койду.
Президенттин басма сөз кызматынын маалыматына ылайык, жаңы тизмеде «Эрдик» ордени, «Ардак» медалы, «Кыргыз Республикасынын жаратманы», «Кыргыз Республикасынын сыймыгы» ардак наамдары жана айрым кесиптик ардак наамдар сакталды.
Ошол эле учурда мурдагы бир катар сыйлыктар менен наамдар жоюлду. Алардын катарына «Ата Мекен Баатыры» өзгөчө сыйлыгы, «Данакер» жана «Эрдик» ордендери, «Даңк» медалы, Кыргыз Республикасынын Ардак грамотасы жана «эмгек сиңирген» ардак наамы кирди. Мыйзам мамлекеттик сыйлыктар системасын кыскартып, жаңы форматка өткөрүп жатат.
