Кыргызстандын президенти Садыр Жапаров 29–30-октябрда Түркиянын президенти Режеп Тайип Эрдогандын чакыруусу менен Анкарага иш сапары менен барат. Бул тууралуу президенттин администрациясы билдирди.
Мамлекет башчысы Түрк мамлекеттер уюмунун (ТМУ) 13-саммитине катышат. Анда аймактык жана эл аралык маселелер талкууланат. Жыйынтыгында Анкара декларациясына жана өлкөлөр ортосундагы кызматташтыкты бекемдөөгө багытталган бир катар документтерге кол коюу пландалууда.
