Министрлер кабинети 2030-жылга чейинки дене тарбия жана спортту өнүктүрүү программасын коомдук талкууга чыгарды.
Учурда Кыргызстанда калктын болгону 15%ы спорт менен үзгүлтүксүз алектенет. План боюнча бул көрсөткүч 30%га чейин жеткирилет.
Негизги багыттар:
- Айылдарда арзан спорт аянтчаларын жана модулдук комплекстерди куруу
- Мектеп, студенттик жана массалык спортту өнүктүрүү
- Тренерлерди, спорт дарыгерлерин, психологдорду даярдоо
- Жогорку жетишкендиктер спортун колдоо
- Улуттук спорт түрлөрүн (көк бөрү ж.б.) өнүктүрүү
Ошондой эле спорт улуттук санарип платформасын түзүү пландалууда.
Мамлекеттик жана муниципалдык органдар программаны аткаруу боюнча жылына 2 жолу отчет берет.
Максат — калктын саламаттыгын чыңдап, кыргыз спортун эл аралык деңгээлге чыгаруу.
