Бишкек шаарында өткөн «Электромобилдүүлүк боюнча улуттук стратегияга карай» аттуу семинарда Кыргызстанга жыл сайын 15 миңге чейин электромобилди бажы төлөмсүз алып кирүү планы талкууланды. Бул тууралуу Климаттык каржылоо борбору билдирди.
Өлкөдө 230дон ашык заряддоо станциясы бар. Анын 60ка жакыны Бишкекте жайгашкан
2022-жылы — 5 миңдей электромобил, 2023–2025-жылдары — жылына 10 миңге чейин бажы төлөмсүз квота, ал эми 2026-жылдан тарта — 15 миңге чейин көбөйтүү пландалууда.
Электромобилдүүлүктү өнүктүрүү зыяндуу бөлүнүп чыгууларды азайтуу, шаардык чөйрөнү жакшыртуу жана жашыл экономиканы чыңдоонун бир бөлүгү катары каралууда.