Бишкектин четиндеги Чоң-Арык айылында Башкы прокуратурага караштуу Сот аткаруучулар кызматынын төрагасынын орун басары Кубанычбек Капаловдун жансыз денеси табылды.
Бул тууралуу жергиликтүү маалымат кызматтары өздүк булактарына таянып жазып чыгышты.
Маалым болгондой, милицияга 13-мартта саат 23:00 чамасында банкет залынын жанында токтоп турган унаанын ичинде бир эркек киши өзүнө ок атканы тууралуу кабар түшкөн.
Окуя болгон жерге тергөө-ыкчам тобу барып, маркумдун ким экенин аныктаган. Ал Кубанычбек Капалов экени белгилүү болгон. Учурда болгон окуянын бардык жагдайлары такталып жатканы айтылууда.
