Маалыматка ылайык, жабдуу аскердик-техникалык кызматташтыктын алкагында өткөрүлүп берилген.
Жаңы тренажёр татаал аба ырайы шарттарында учууну моделдөөгө; тоолуу аймактарда жана түнкү убакта учуу машыгууларын өткөрүүгө ошондой эле, күтүлбөгөн кырдаалдарды, анын ичинде башкаруу системалары же кыймылдаткычтар иштен чыккан учурларды машыгууга мүмкүндүк берет.
Эске салсак, буга чейин Кыргызстанда «Ак-Чий» эркин экономикалык аймагында Ми-171 жана Ми-8 тик учактарын оңдоо жана адистерди даярдоо боюнча алгачкы аймактык борбор ачылган.
Бул кадам өлкөдө авиация тармагындагы адистерди даярдоо мүмкүнчүлүгүн кеңейтүүгө өбөлгө түзөт.
