Бүгүндөн тарта Жидда — Ош багыты боюнча түз авиакаттамдар жанданарын элчи Улукбек Марипов билдирди. Рейстер жумасына үч жолу — дүйшөмбү, шаршемби жана жума күндөрү болот. Кыргызстандын Сауд Арабиядагы элчиси бул каттамдар менен биринчи кезекте буга чейин билеттерин алып, бирок уча албай калган мекендештер келерин билдирди. Марипов Жидда — Бишкек боюнча да каттамдарды жандандыруу маселеси талкууланып…
Мэриянын транспорт департаментинин башчысы Уланбек Бейшенбаев билдиргендей, өзгөрүүлөр учурда иштеп жаткан 72 каттамдын баарын камтыйт. Айрым каттамдар айлампа түрүнө өтөт. Мэриянын маалыматына ылайык, автобустардын жүрүү аралыгы кыскарып, жүргүнчүлөр муктаждыгына карап башка автобустарга оңой эле которула алышат. Мында «Тулпар» картасы менен бир саат ичинде бир же бир нече каттамда 17 сом менен жүрүүгө болот.
Бишкек — Нарын — Бишкек каттамынын саны көбөйтүлдү. “Асман Эйрлайнс” компаниясы аталган багыт боюнча учууларды аптасына эки ирет — дүйшөмбү жана жума күндөрү аткарып баштады. Буга чейин Нарынга ордо калаадан жумасына бир жолу учактар жөнөп жаткан болчу. Билеттин баасы дагы 3 миң 100 сомдун ордуна 2 миң 100 сомго арзандатылды.
