№13 шайлоо округундагы Жогорку Кеңештин депутаттарын кайра шайлоо 2026-жылдын 1-мартына белгиленди. Чечим Борбордук шайлоо комиссиясынын жыйынында кабыл алынган.
Эске салсак, 3-декабрда Борбордук шайлоо комиссиясы шайлоо №13 округундагы мөөнөтүнөн мурда шайлоону мыйзам бузуулардан улам жараксыз деп тапкан.
Текшерүүдө талапкерлердин өкүлдөрү 35 шайлоо участогуна камера орнотконун, бул шайлоочуларга кысым көрсөтүүгө жана добуш берүүнүн купуялуулугун бузууга алып келгенин аныктаган.
№13 округда 94 шайлоо участогу болгон. Алдыңкы талапкерлер Бактыбек Сыдыков, Айбек Алтынбеков жана Айгүл Карабекова болгон. Бул округдагы шайлоого катышкан бардык талапкерлер кайра шайлоого катыша алышпайт.
