Борбор калаа 2026-жылкы жаштар арасындагы дүйнө чемпионатын кабыл алат. Бул тууралуу Хоккей федерациясы маалымдады.
2026-жылдын 18–24-январь күндөрү «Бишкек Арена» муз аянтчасында шайбалуу хоккей боюнча жаштар арасындагы дүйнө чемпионаты (IIHF Division III-B) өтөт. Титул үчүн Кыргызстан, Мексика, Люксембург, Түштүк Африка, Иран жана Гонконг курама командалары таймашат.
U20 форматындагы бул турнир кыштын эң көп көрүүчүлүү спорттук окуяларынын бири болору күтүлүүдө.
Иш-чаранын уюштуруучулары — Кыргыз Республикасынын Хоккей федерациясы IIHFтин колдоосу менен — күйөрмандарды улуттук курама команданы колдоого жана эл аралык спорт майрамынын атмосферасынан ырахат алууга чакырат.
