Учурда балага өздүк документ алуу үчүн атасынын дагы, апасынын дагы уруксаты талап кылынат.
Мындай шартта ата-эненин бири өлкөдө жок болсо, же башка бир себептерден улам байланышка чыкпаса — кыйынчылыктар жаралып келген. Бул билим берүүгө, медицинага мүмкүнчүлүктү чектеп, ар кандай кызматтарга жана иш-чараларга барууга тоскоолдук жаратууда.
Сунушталып жаткан мыйзам долбоору бир эле ата-эненин же мыйзамдуу өкүлдүн уруксатын алууну жетиштүү кылат. Жаңы төрөлгөн балдардын паспорту 2 жылга, андан кийин 5 жылга берилет.
