Кыргызстанда кош бойлуулук жана төрөт боюнча жөлөкпул белгиленген тартипке ылайык дайындалат. Бул тууралуу Эмгек, социалдык камсыздоо жана миграция министрлиги түшүндүрмө берди.
Бул төлөмдү алууга төмөнкү жарандар укуктуу:
иштеген жарандар — жумуш берүүчү менен эмгек мамилесинде турган адамдар;
жеке ишкерлер — ишкердик жүргүзүп, камсыздандыруу төгүмдөрүн төлөп келгендер;
дыйкан жана фермердик чарбалардын мүчөлөрү;
расмий жумушсуз деп таанылган аялдар — иш менен камсыз кылуу органдарында каттоодо туруп, жумушсуздук боюнча жөлөкпул алууга укугу барлар.
Расмий жумушсуз аялдар үчүн негизги талап бар: алардын жалпы камсыздандыруу стажы кеминде 12 ай болушу керек.
Ал эми жөлөкпул алуу үчүн керектүү документтер жана дайындоо тартиби тиешелүү органдар тарабынан белгиленген эрежелерге ылайык жүргүзүлөт.
