Салык кызматы турак эмес мүлк объектилерине салынуучу салык квартал сайын тең үлүштөр менен төлөнөрүн эскертти. Төлөө мөөнөттөрү 20-мартка, 20-июнга, 20-сентябрга жана 20-декабрга чейин белгиленген. Эсептелген суммалар тууралуу маалыматты сайтындагы жеке кабинеттен көрүүгө болот. Мындан тышкары, эсептөөлөр туура болушу үчүн мүлк документтерин «Кадастр» мекемесиндеги маалыматтар менен салыштырып чыгуу сунушталат.
Шаарды өнүктүрүү жана өндүрүштүк ишканаларды көбөйтүү максатында келечекте шаардын четки аймактарына өндүрүш түрлөрүнө жараша атайын аймактарды ачуу пландалууда. Озгур айылына агрардык өндүрүш, Жапалакка тамак-аш өңдүрүшү, Алымбек-Датка муниципалдык аймагына оор өнөр жай тармагы жана Жибек-Жолу муниципалдык аймагына жеңил өнөр жай өндүрүштүк зонасын түзүү каралууда. Шаар мэри тиешелүү кызматтарга белгиленген аймактарда келечектеги өндүрүш зоналарын түзүү боюнча деталдуу…
КР Мамлекеттик салык кызматынын төрагасынын орун басары Мирлан Рахманов Ташкент шаарында өткөн Кавказ, Борбордук Азия жана Монголия өлкөлөрүнүн салык ведомстволорунун жетекчилеринин III форумуна катышты. Форумдун башкы темасы — көмүскө экономика менен күрөшүү жана салыктык башкаруунун заманбап ыкмаларына өтүү болду. Кыргызстан бул багыттагы өз тажрыйбасы менен бөлүштү: ашыкча көзөмөлдөн баш тартып, санариптик кызматтар аркылуу ишкерлер менен…
Транспорттор Дүйнөлүк банктын каражатына алынарын министрдин орун басары Тилек Маматалиев билдирди. Мындан тышкары, Азия өнүктүрүү банкы министрликке 35 млн доллар (25 млн доллары — грант) бөлгөн. Каражат өлкөдөгү лабораториялык кызматтардын ишин борборлоштурууга жумшалат.
“Анын ичинде ай сайын дарыгерлер менен медайымдардын маянасына президенттик фонддон 15 миң сом кошулат. Аз болсо да дарыгерлерибизге стимул болот деп ойлойбуз”, — деди саламаттык сактоо министринин биринчи орун басары Тилек Маматалиев. Ал ошондой эле аймактарда иштеп жаткан жаш адистердин 3 айда бир ала турган депозити 33 миң сомдон 66 миң сомго көтөрүлгөнүн кошумчалады. Маматалиев…
Бул тилкенин курулушу 2022-жылы башталган жана 1991-жылдан кийин Кыргызстанда курулуп жаткан биринчи жаңы темир жол тармагы болуп эсептелет. Узундугу 63 чакырым болгон Балыкчы–Кочкор темир жол тилкесинин курулушу — бул «Кыргыз Темир Жолу» ишканасынын эгемендүүлүк жылдарындагы алгачкы ири долбоору гана эмес, Кара-Кече көмүр кенине бара турган келечектеги темир жолдун негизи болуп саналат. Белгилей кетсек, азыркы учурда…
Кыргызстанда «Жеңил» аттуу жаңы жеңилдетилген автокредит программасы башталды. Анын алкагында мамлекеттик кызматкерлер жана бюджеттик тармакта иштегендер 4% үстөк менен жаңы унаа сатып ала алышат. Программага мамлекеттик кызматкерлер, мугалимдер, дарыгерлер, укук коргоо органдарынын кызматкерлери жана башка бюджеттик мекемелердин кызматкерлери катыша алышат.Автокредит 3 же 5 жылга чейин берилет. Ошондой эле кредитти алгачкы төлөм менен же алгачкы төлөмсүз…
Финансы министрлигинин маалыматы боюнча, 2026-жылдын алгачкы эки айында Кыргызстан болжол менен 126,9 миллион доллар мамлекеттик карызды төлөп бүткөн. Тышкы карызды төлөөгө 51,5 миллион доллар, ал эми ички карызды төлөөгө 75,4 миллион доллар бөлүнгөн.Өткөн жылы мамлекеттик карызды төлөө болжол менен 525,3 миллион долларды түзгөн. 2025-жылдын аягына карата Кыргызстандын мамлекеттик карызы дээрлик 9 миллиард долларга (болжол менен…
«Кыргызкөмүр» ишканасы 2025-жылы 1 млн 385 миң тонна көмүр казып алды. Бул көрсөткүч 2021-жылга салыштырмалуу эки эсеге көп болгон. Ошондой эле ишкана 511 млн сомдон ашык таза пайда тапкан. Ички рынокту камсыздоо үчүн Бишкек ЖЭБине 587 миң тонна көмүр жеткирилген, бул жалпы өндүрүштүн 40%дан ашыгын түзөт. Ишкана жыл ичинде беш жаңы көмүр кенин ачып, 2026-жылы…
Мекеменин маалыматына ылайык, жеткирүүлөрдүн азайышы, сезондук шарттар, ошондой эле тооктордун тукумун жаңылоо жана пландуу эмдөө иштеринен улам өндүрүш көлөмүнүн кыскарышы баага таасир берген. Мындан тышкары, канаттуулар фабрикаларында тоюттун, таңгактоочу материалдардын жана логистиканын кымбатташы дүң баанын өсүшүнө алып келген. Кызмат базарлардагы ортомчулар да баанын көтөрүлүшүнө себеп болгонун белгилеп, бааны турукташтыруу үчүн канаттуу өстүрүүчүлөр ассоциациясы жана ири…
