Быйылкы жылы айыл чарба өнүмдөрүн кайра иштетүүчү 75 ишкана ачуу пландалууда. Бул тууралуу Суу ресурстары, айыл чарба жана кайра иштетүү өнөр жайы министрлиги маалымдады.
Министрликтен маалым болгондой, бул багыттагы инвестициянын көлөмү 9 млрд сомдон ашат деп эсептелүүдө.
Ал эми 2030-жылга чейин 385 айыл чарба өнүмүн кайра иштетүүчү ишкананы ишке киргизүү мерчемделип жатат. Бул кайра иштетүүнүн деңгээлин 25% жеткирүүгө мүмкүндүк берет деп күтүлүүдө.
