2025-жылдын 11 айында Кыргызстанга 3,2 млрд доллардан ашык акча которуу түшкөн. Нацбанктын маалыматына ылайык, бир гана ноябрь айында өлкөгө дээрлик 265 млн доллар келип түшкөн.
Негизги булак — Орусия: дээрлик 3 млрд доллар, башкача айтканда жалпы түшүүлөрдүн 93%га жакыны. Эң жогорку көрсөткүч август жана октябрда болуп, ай сайын дээрлик 320 млн долларга жеткен.
Ушул эле мезгилде Кыргызстандан чет өлкөгө 352 млн доллар жөнөтүлгөн: акчанын көбү Орусияга (310 млн) жана Түркияга (28 млн долларга жакын) кеткен. Натыйжада «таза киреше» 2,87 млрд долларды түзүп, бул каражат негизинен ички керектөөгө жана курулушка жумшалат.
