Садыр Жапаров Конституциялык сотко кайрылуусунун себебин түшүндүрдү. Бул маселеде сотко кайрылуу укуктук жактан туура жана логикалуу кадам экенин белгиледи.
Анын айтымында, коомдо жаралган күмөн саноолорго жана талаштуу суроолорго мыйзамдуу, так жооп болушу керек. Бүгүн өлкөдө Конституцияга байланыштуу маселелер боюнча акыркы укуктук бааны бере алган орган — Конституциялык сот.
Эске салсак, мамлекет башчысы Конституциянын 67, 68 жана 72-беренелерин мурдагы редакциялар менен өз ара байланышынын негизинде түшүндүрүп берүүнү өтүнгөн. Ошондой эле президентти шайлоонун тартиби жана мөөнөттөрүн так аныктап берүү маселеси көтөрүлгөн.
