Месяц: Апрель 2024

Президент Садыр Жапаров 18-19-апрель күндөрү Казакстанга расмий сапар менен барат. Бул тууралуу Кыргызстандын Казакстандагы элчиси Дастан Дүйшекеев билдирди. Анын айтымында, визиттин алкагында эки өлкөнүн мамлекет башчылары Жогорку мамлекеттер аралык кеңештин жыйынын өткөрүшөт. Анда эки тараптуу кызматташтыктын актуалдуу маселелери талкууланат. Андан тышкары, Садыр Жапаров Астанада Кыргыз кино күндөрүнүн ачылышына жана пландалган бир катар иш-чараларга катышат.

Кыргызстанда 10-апрелде Орозо айт белгиленет. Ага чейин Орозо айындагы битир-садаканы берүү керек. Кыргызстан мусулмандарынын Дин башкармалыгы быйыл битир-садака киши башына 50сомдон 850 сомго чейин туура келет деп бекиткен. Азык-түлүктүн баасы туруксуз болгондуктан алардын салмагына басым жасоо керек. Эске салсак, Муфтият Орозо айында чогулган акчанын эсебинен жардамга муктаж жарандарга каражат таратып берет.

Жолдошбек Абдылдаев Кыргызстан мусулдандар дин башкармалыгынын башчысынын орун басары болуп дайындалды. Бул тууралуу муфтияттан билдиришти. Жаңы дайындалган орун басар бүгүн жамаатка тааныштырды. Ал буга чейин муфтияттын Ажылык-умра жана эл аралык байланыштар бөлүмүнүн башчысы кызматын аткарып келген.

Орозо айт намазы 10-апрелде Кыргызстан Мусулмандар дин башкармалыгынын чечимине ылайык жума намаздары окулуп жүргөн мечиттерде гана окулат. Бул тууралуу Ош мэриясынан билдиришти. Маалыматка ылайык, айт намаз таңкы саат 07:30да башталат. Белгилей кетсек, Кыргызстанда 10-апрелде Орозо айт майрамы белгиленет. Ислам шариятында Рамазан айынын башталуусу жана аяктоосу айдын жаңырышына карап аныкталат. Рамазан айы кээде 30 же 29…

Бүгүнтөн тарта мектептерде 1-класска электрондук каттоо башталат. Билим берүү жана илим министрлигинен эскертишкендей, каттоо mektep.edu.gov.kg автоматташтырылган маалыматтык система аркылуу эки этап менен жүргүзүлөт. Биринчиси жашаган жери боюнча 8-апрелден 2-июнга чейин болсо, экинчи этап анык жашаган жери боюнча 3-июндан 30-августка чейин өтөт.

Ош пансионаты менен Ош турбазасы мамлекетке өттү. Бул тууралуу президенттин иш башкармалыгынын жетекчиси Каныбек Туманбаев билдирди. Анын айтымында аталган эс алуу жайлардын жерлерин мурдагы жетекчилери, экс-депутат жана башка адамдар менчиктештирип алганы маалым болду. Ош пансионаты 21,5 га болгон, азыр 17,68 га гана жери калган; Ош турбаза 4 га болгон, азыр 2,8 га гана жери калган….

Ороктогу жаңы стадион ФИФАнын бардык талаптарына жооп берет. Бул тууралуу УКМКнын төрагасы, Кыргыз футбол союзунун президенти Камчыбек Ташиев билдирди. Маалыматка ылайык, стадион 45 миң адамга ылайыкталып курулууда. Курулушка болжол менен 60 млн доллар керектелет. Объекттин ачылышы 2026-жылы Эгемендүүлүккө карата болот деп күтүлүүдө.