Билим берүү жана илим министри Догдуркүл Кендирбаева Австриянын делегациясы менен видеоконференция өткөрдү.
Жолугушууда кесиптик-техникалык билим берүүнү өнүктүрүү жана австриялык методология менен туризм мектебин ачуу талкууланды.
Негизги долбоор — Ысык-Көл облусунда адистештирилген билим берүү борборун түзүү. Башкы басым кышкы туризм жана кышкы спорт түрлөрү үчүн кадр даярдоого жасалат, имараттарды реконструкциялоо жана жабдуу маселелери каралууда.
Мындан тышкары, темир жол тармагына адистерди даярдоо да күн тартибинде болду. Жыйынтыгында тараптар Биргелешкен иш-чаралар планын акыркы макулдашууга өтүүнү чечишти.
