Парламенттин бүгүнкү жыйынына президент Садыр Жапаров да катышып жатат. Ант бергендер: ▪️Эрлис Акунбеков – Айыл чарба министри ▪️Канат Сагынбаев – Эмгек, социалдык өнүктүрүү жана миграция министри ▪️Гүлзат Исаматова – Илим, жогорку билим жана инновация министри ▪️Талантбек Солтобаев – Транспорт жана коммуникация министри ▪️Акыл Токтобаев – Экология министри ▪️Дамирбек Осмонов – Саламаттыкты сактоо министри ▪️Канатбек Чыныбаев…
«Адилет Кыргызстан» депутаттык тобу «Ишеним» болуп өзгөргөнүн топтун жетекчиси Нурбек Сыдыгалиев бүгүнкү жыйында билдирди. Аталган топтун 14 мүчөсү бар. Буга чейин «Мекенчил» депутаттык тобунун аты «Ынтымак – Мекенчил» деп, ал эми «Ата-Журт» депутаттык тобунун аталышы «Эл үмүтү — Ата Журт» болуп өзгөртүлгөн. Парламентте беш депутаттык топ бар.
Бүгүн, 23-февралда Алмасбек Абытов Жогорку Кеңештин Аппаратынын жетекчиси болуп дайындалды. Тиешелүү тескемеге Төрага Марлен Маматалиев кол койду. Белгилей кетсек, Алмасбек Абытов Кыргыз Республикасынын Президентинин жана Министрлер кабинетинин Жогорку Кеңештеги ыйгарым укуктуу өкүлү кызматын аркалап келген.
Жогорку Кеңештеги бардык депутаттык топтор төрагалыкка Марлен Маматалиевди сунуштады. Добуш берүүгө катышкан 75 депутаттын баары макулдугун билдирди. Бүгүн, буга чейинки ЖК төрагасы Нурланбек Тургунбек уулу кызматын өз ыктыяры менен тапшырган.
Жогорку Кеңештин төрагасы Нурланбек Тургунбек уулу 12-февралда кызматтан кетерин жарыялады. Ал мындай чечимди кадрдык алмашууларга байланыштуу кабыл алганын айтты. Бул жеке чечими экенин, эч ким кысым кылбаганын кошумчалады. Нурланбек Тургунбек уулу бул кызматты 2022-жылдан бери аркалап келген. Мөөнөтүнөн мурда өткөн парламенттик шайлоонун жыйынтыгында ал 2025-жылдын декабрында кайра шайланган.
Жогорку Кеңеш «Жаңылануучу энергия булактары жөнүндө» мыйзамга өзгөртүүлөрдү киргизүү долбоорун биринчи окууда карады. Эксперт Кундуз Карбышеванын айтымында, бул сунуштар «жашыл» энергетиканы атаандаштык негизде жана системалуу өнүктүрүүгө багытталган. Негизги жаңылык — аукциондук системага өтүү: алдын ала тариф коюунун ордуна ЖЭБ долбоорлорун ишке ашыруу укугун электр энергиясына эң төмөн бааны сунуштаган инвесторлор алышат. Ошондой эле мыйзамдан 1,3…
