День: 04.02.2026

Бүгүн, Жогорку Кеңештин жыйынында депутат Улан Примов Кара-Суу районундагы Мады айыл өкмөтүнө караштуу бир катар көйгөйлөрдү көтөрдү. Анын айтымында, Жоош айылында мектептин курулушу башталып, учурда токтоп калган. Натыйжада окуучулар совет доорунан калган жатакананы мектеп катары пайдаланууга аргасыз болууда. Депутат ушундай эле жагдай Кызыл-Тал айылында да орун алып жатканын белгиледи. Мындан тышкары, Улан Примов Октябрь, Кызыл-Тал…

Атайын кызмат аткаминер системалуу коррупциялык иштерге айыпталып жатканын кабарлады. Ал өткөрүү пунктунда мезгил-мезгили менен жасалма кезек уюштуруп турган. Мындан тышкары, жетекчи ортомчулар аркылуу чет элдиктерден акча алып, Кыргызстанга тоскоолдуксуз киргизип турганы айтылды. Ошондой эле чек арада кылмыштуу ишмердүүлүк менен алектенгендерге колдоо көрсөтүп келгени белгиленди.

Баткен облусунун Мин-Чынар айылынын тургуну, 31 жаштагы дыйкан Кубаныч Барат уулу акыркы төрт жылдан бери кулпунай өстүрүү менен алектенип, туруктуу киреше табууда. Аймакта мындай дыйканчылык сейрек кездешкенине карабастан, Кубаныч Барат уулу кулпунайды жыл бою — кышында да, жайында да өстүрүүнү ийгиликтүү жолго койгон. Бул багыт айыл чарбасында жогорку киреше алып келүүчү альтернатива катары бааланып, дыйканчылыкты…

Баткен облусунда 2017-жылдан бери алимент төлөөдөн качып келген эркек киши 2 жылга эркинен ажыратылды. Бул тууралуу КР Башкы прокуратурасына караштуу Сот аткаруучулар кызматы билдирди. Маалыматка ылайык, Баткен райондук сотунун 2017-жылдын 3-июлундагы чечими менен жаран баласы 18 жашка чыкканга чейин бардык кирешесинин төрттөн бир бөлүгүн алимент катары төлөөгө милдеттендирилген. Бирок сот аткаруучуларынын бир нече ирет эскертүүлөрүнө…

Президент Дин иштери жана этностор аралык мамилелер боюнча улуттук агенттиктин төрагасы Талантбек Ташибековду кабыл алды. Алар аталган мекеменин 30 жылдыгын белгилөө тууралуу маектешти. Ташибеков эмгек сиңирген дин ишмерлерин мамлекеттик сыйлыктар менен сыйлоо маселесин кароону өтүндү. Президент ага макулдугун билдирип, Чубак ажы Жалиловго «Кыргыз Республикасынын баатыры» деген наамды ыйгаруу мүмкүнчүлүгүн карап чыгууну сунуштады.