Өкмөт башчы Адылбек Касымалиев Бишкектеги көрүүсү начар жана азиз балдардын мектеп-интернатына Perkins Brailler Classic үлгүсүндөгү 10 машинка тапшырды. Бул тууралуу Министрлер кабинетинин басма сөз кызматы билдирди.
Жалпысынан 20 машинка сатып алуу үчүн өкмөт башчынын резервдик фондунан 3 млн сомдон ашык каражат бөлүнгөн. Калган 10 машинка Ош шаарындагы көрүүсү начар жана азиз балдардын мектеп-интернатына берилери айтылды.
Perkins Brailler Classic машинкалары Брайл арибинде жазууну системалуу үйрөтүүгө көмөктөшүп, окуучулардын өз алдынча иштөө көндүмдөрүн, майда моторикасын жана көңүл топтоо жөндөмүн өнүктүрүүгө шарт түзөт.
