Тигүү тармагындагылардын киреше салыгы жана камсыздандыруу төгүмдөрү төмөндөтүлдү. Бул тууралуу Салык кызматы маалымдады. Тигүү тармагындагы ишкерлер ар бир кызматкер үчүн орточо айлык акынынын 12 пайызын камсыздандырууга төкмөй болду. Ал эми орточо айлык акынын 1 пайызы киреше салыгы катары кармалат. Камсыздандыруу төгүм 2115 сом, киреше салыгы 440 сом болуп, бир кызматкер үчүн жалпы 2556 сом чегерилиши…
Кыргызстандын тышкы иштер министринин орун басары АКШнын элчиси менен жолукту. Анда кыргыз тарап АКШ визасын алууга киргизилген жаңы талаптар боюнча тынчсыздануусун билдирди. Бул чара ишкерлер ортосундагы байланыштарды өнүктүрүүгө жана өлкөлөрдүн соода-экономикалык кызматташтыгын тереңдетүүгө тоскоолдук жаратары айтылды. Элчи кошумча талаптар кандайдыр бир конкреттүү өлкөгө карата эмес, АКШнын миграциялык саясатынын алкагында жана визалык мыйзамдарды сактоо зарылдыгын эске…
Чоң-Алай районунун Дароот-Коргон айылында социалдык мааниге ээ болгон айыл чарба продукцияларынын кезектеги азык-түлүк жарманкеси уюштурулду. Бул тууралуу Суу ресурстары айыл чарба жана кайра иштетүү өнөр жай министрлиги маалымдады. Аталган жарманке райондук агрардык өнүктүрүү башкармалыгы тарабынан Чоң-Алай, Кашка-Суу жана Жекенди айыл өкмөттөрү менен биргеликте өткөрүлдү. Иш-чаранын алкагында жергиликтүү тургундарга эт азыктары, жашылча-жемиштер, ун, май, шекер жана…
Жаңы Батыш автобекети жана Ош базары май айында ачылат. Бул тууралуу президенттин иш баркаруучусу Каныбек Туманбаев билдирди.Ал ошол убакытка чейин аталган жактарга кирүүчү жолдор да даяр болорун белгиледи. Соода комплекси жалпы 155 миң чарчы метр аянтка салынып жатат. Анын ичинде 10 миңге жакын соода дүкөндөрү, 500 автокөлүк баткан жер астындагы токтотмо бар. Ошондой эле 20…
Мэрия Бишкек шаарынын 2050-жылга чейинки башкы планы боюнча коомдук угуулардын жыйынтыгын, ошондой эле долбоордун жаңыртылган негизиги чиймесин жарыялады. Башкы план Перспективдүү шаар куруу боюнча илимий-изилдөө институту менен биргеликте иштелип чыккан. 2025-жылдын 24–25-декабрь күндөрү долбоор боюнча коомдук угуулар өткөрүлгөн. Ага мамлекеттик органдар, долбоорду иштеп чыгуучулар, шаардык жана тармактык кызматтардын өкүлдөрү, шаар тургундары, ЖМКлар жана ишкер чөйрөнүн…
Өлкөгө 250 миң доза вакцинанын жаңы партиясы келгенин саламаттык сактоо министрлиги билдирди. Жарандар эмдөөдөн өтүү үчүн жашаган аймагындагы үй-бүлөлүк дарыгерлер борборуна кайрылышы керек. Ошондой эле ал жактан акысыз тест тапшыра алышат. Акысыз эмдөө 24–65 жаштагы жарандарга жасалат. Вакцина үч этап менен сайылат. Соңку эки жылда Кыргызстанга мамлекеттик бюджеттин жана эл аралык өнөктөштөрдүн колдоосу менен 750…
Министрлер кабинети иши өзгөчө мүнөзгө ээ кызматкерлердин категорияларынын тизмегин жана алардын жумуш убактысынын узактыгын бекитти. Тиешелүү токтомго өкмөт башчы Адылбек Касымалиев кол койду.Токтомго ылайык, тизмеге кирген кызматкерлер күнүнө эң көп 5 же 6 сааттан гана иштеши керек. Тизмеге ар кандай тармактагы жумушчулардын 100дөн ашуун категориясы киргизилген. Документ Кыргызстандын Эмгек кодексинин жаңы редакциясына ылайык, өзгөчө мүнөздөгү…
Мамлекеттик салык кызматы 2026-жылдын 1-январынан тарта алкоголдук продукцияга салынган акциз салыгынын ставкасы литрине 200 сомго жогорулаганын билдирди. Маалыматка ылайык, Министрлер кабинети 2025-жылдын 18-декабрында токтом кабыл алган. Анда 2026-жылдан 2029-жылга чейин аталган продукцияга акциз салыгынын ставкаларын этап-этабы менен жогорулатуу каралган. Белгилей кетсек, 2025-жылдын 11 айында Кыргызстандын өзүндө өндүрүлгөн алкоголдук продукциядан бюджетке 3 млрд 448,3 млн сом…
Суу ресурстары, айыл чарба жана кайра иштетүү өнөр жайы министрлигинин асыл тукум мал чарбачылыгын өнүктүрүү багытында жүргүзүп жаткан мамлекеттик колдоо жана селекциялык иштер өз жыйынтыгын берүүдө. Бүгүнкү күндө республика боюнча асыл тукум мал чарбаларынын жалпы саны 185ке жетти. Алар мал чарбачылыгынын бардык негизги багыттарын камтып, айыл аймактарындагы экономикалык активдүүлүктү арттырууда. Негизги көрсөткүчтөр: Ири мүйүздүү асыл…
Улуттук кардиология жана терапия борборунун директору Талантбек Сооронбаев жана Жүрөк хирургиясы жана органдарды трансплантациялоо илимий-изилдөө институтунун жетекчиси Самидин Шабыралиев кызматтан алынды. Мындай чечим аталган мекемелерде жүргүзүлгөн текшерүүнүн жыйынтыктарынан кийин саламаттык сактоо министри Каныбек Досмамбетов тарабынан кабыл алынды. Текшерүү учурунда Улуттук кардиология жана терапия борборунда ангиографтардын иштебей турушу, коронароангиографиянын өз убагында жүргүзүлбөгөнү, реанимация бөлүмдөрүндө эхокардиографиянын жеткиликсиз…
