Кыргызстанда жогорку окуу жайларына абитуриенттерди кышкы кабыл алуу уланууда. Илим министрлигинин маалыматына ылайык, үчүнчү этап бүгүнтөн тарта 21-январга чейин, төртүнчүсү 26-28-январь аралыгында өтөт. ЖОЖдордогу кышкы кабыл алуу жайкы кабыл алуудан кийин бош калган контракттык орундарга студенттерди тандоо жана кабыл алуу максатында жүргүзүлөт.
Бишкекте хоккей боюнча жаштар арасындагы дүйнө чемпионатынын салтанаттуу ачылышы болду. Бул тууралуу Дене тарбия жана спорт департаментинен маалымдашты. Алгачкы беттеште Кыргызcтандын командасы Гонконгдон келген атаандаштарын 4:1 эсебинде жеңди. Турнир 24-январга чейин уланат. Ага Мексика, Люксембург, Түштүк Африка, Иран жана Гонконгдун командалары келди.
Кыз-келиндер күрөшү боюнча дүйнө чемпиону, Токио жана Париж Олимпиадаларынын байге ээси Айсулуу Тыныбекова кош бойлуу экенин билдирди. Ал жолдошу экөөнүн видеосун жарыялады. Тыныбекова кыз-келиндер күрөшүнөн Дүйнөнүн үч жолку, Азиянын алты жолку чемпиону. Ал быйыл октябрь айында Кыргызстандын күрөш федерациясынын кыз-келиндер күрөшү боюнча вице-президенти болуп шайланган. Тыныбекова 2028-жылы Лос-Анжелесте өтө турган Олимпиадага бара турганын билдирген.
Өлкөдөн сыртта ишмердүүлүк жүргүзгөндөргө салык 10 эсе азайды. Бул тууралуу Салык кызматы билдирди. Кыргызстандан сырта ишмердүүлүк жүргүзгөн салык төлөөчүлөр үчүн бирдиктүү салыктын ставкасы 1 пайыздан 0,1 пайызга чейин төмөндөтүлдү. Салык кызматы чет өлкөдө ишмердүүлүк жүргүзүүнү пландап жаткандар 1-февралга чейин 0,1 пайыздык салыкка өтүү тууралуу арыз тапшыруусу керектигин кабарлады.
Үйлөнүү тоюнда коноктун саны 200дөн ашпашы керек. Минкаб үй-бүлөлүк иш чараларды өткөрүү боюнча жобо даярдады. Документ коомдук талкууга чыгарылып, анда жамандык-жакшылыктарды өткөрүүнү тартипке келтирип, ысырапкерчиликке жол бербөөнү көздөй турганы айтылган. Эске ала турган жагдайлар: Салтанаттар жаштар менен ата-энелердин материалдык мүмкүнчүлүгүнө жараша уюштурулуп, карыз же кредит алууга жол берилбейт. Конокторду 200 адамдан ашырбоо, тойду бир күндө…
Кыргызгидромет кыштын соңку айында абанын орточо температурасы нормадан 1…2° жогору болуп, жаан-чачын аз болорун билдирди. ▪️Чүй облусу — абанын температурасы түнкүсүн -5…-10 градустан 0…+5 градуска чейин, күндүз -2…+3төн +8…+13 градуска чейин жетет. Айрым күндөрү +20 градуска чейин чыгат. ▪️Таласта — түнкүсүн -7…-12ден -3…+2 градуска чейин, күндүз -3…+2ден +7…+12 градуска чейин болот. Айрым күндөрү +20 градуска…
Кыргыз Республикасынын Суу ресурстары, айыл чарба жана кайра иштетүү өнөр жайы министрлиги республикадагы бардык дыйкан-фермерлерге кайрылууда. «Климаттын өзгөрүшү жана жаан-чачындын азайышына байланыштуу, 2026-жылдагы вегетациялык мезгилде суу ресурстарынын тартыштыгы байкалышы мүмкүн. Ушул себептен, сугат суусунун көлөмү чектелүү болуп, айрым аймактарда суунун жетишсиздиги күтүлүүдө. Министрлик дыйкан-фермерлерди төмөнкүдөй чараларды көбүрөөк колдонууга чакырат: -сууну үнөмдөөчү технологияларды (тамчылатып жана жамгырлатып…
Президент Садыр Жапаров «Кыргыз Республикасынын Жогорку Кеңешинин регламенти жөнүндө» КР мыйзамына өзгөртүүлөрдү киргизүү тууралуу» мыйзамга кол койду. Мыйзам Жогорку Кеңеш тарабынан 2025-жылдын 24-декабрында кабыл алынган. Бул Мыйзам Жогорку Кеңештин ишмердүүлүгүн оптималдаштыруу максатында кабыл алынды. Алсак, кабыл алынган мыйзамда төмөнкүлөр каралган: — КР Жогорку Кеңешинин төрагасынын биринчи орун басары кызматын белгилөө; — Жогорку Кеңештин комитетинин курамына…
Министрлер кабинети билет баасын арзандатуу үчүн ички авиакаттамдарга жыйымдарды алып салууну сунуштоодо. Министрлер кабинети ички каттамдар үчүн жыйымдарды азайтуу боюнча токтом долбоорун коомдук талкууга чыгарды. Максат — авиакомпаниялардын чыгымдарын кыскартып, билет баасынын өсүшүн ооздуктоо жана аймактардын жеткиликтүүлүгүн жогорулатуу. Долбоорго ылайык, бардык ички каттамдарда аэронавигация жана аэропорттордо жерде тейлөө акысы 50%га төмөндөйт. Ал эми сегиз социалдык…
Numbeo эл аралык платформасынын рейтингине ылайык, Кыргызстан жашоонун баасы эң төмөн өлкөлөрдүн бири болду. • Кыргызстан — 140-орун (индекс 27,3) • Өзбекстан — 138-орун (27,3)• Тажикстан — 136-орун (27,9)• Казакстан — 128-орун (29,8) Салыштыруу үчүн базалык шаар катары Нью-Йорк алынган (индекс 100). Көрсөткүч канчалык төмөн болсо — жашоо ошончолук арзан. Кыргызстан боюнча негизги көрсөткүчтөр: ижара…
