Бишкектин башкы жаңы жылдык балатысы 15-декабрда күйгүзүлөт.
Бишкек мэриясы Жаңы жылдын башкы символун расмий түрдө жандырууга кызуу даярданып жатышат. Вице-мэр Виктория Мозгачеванын айтымында, Ала-Тоо аянтындагы 35 метрлик балаты быйыл көк түстөгү оюнчуктар менен кооздолууда.
«Албетте, биз жасалгаларды эскирип калганда жаңыртууга аракет кылабыз. Жаңы жылдын башкы символунун дизайны жыл сайын өзгөрүп турат, бирок көпчүлүк учурда биз классикалык көрүнүштү тандайбыз», — деген ал.
15-декабрдан 15-январга чейин балатыдан тышкары, борбордук аянтта фудкорттор, Аяз ата жана Аяз атанын үйлөрү бар сейилдөөчү жай ачылат. Ошондой эле чоң муз тебүүчү аянтча ишке киргизүүгө даярдалууда.
Нурзаада Мурзаматова