Президент Садыр Жапаров 3-4-декабрда Пакистанга мамлекеттик сапар менен барат. Бул туралуу Президенттин администрациясы маалымдады.
Анда Жапаров Пакистандын премьер-министри Шахбаз Шариф, президенти Асиф Али Зардари, парламент төрагасы менен эки тараптуу сүйлөшүүлөрдү жүргүзөт.
Тараптар Кыргызстан-Пакистан мамилелерин өнүктүрүү келечегин талкуулашат.
Сапардын алкагында Кыргыз-Пакистан бизнес-форуму да өтөт.
Кыргызстан менен Пакистандын ортосунда дипломатиялык мамиле 1992-жылдын 10-майында түзүлгөн.
Кыргызстандын президентинин Пакистанга акыркы расмий сапары 2005-жылы болгон.
Кыргызстан менен Пакистан Бириккен Улуттар Уюму, Шанхай кызматташтык уюму, Ислам кызматташтык уюму жана Экономикалык кызматташтык уюму сыяктуу эл аралык аянтчалардын алкагында кызматташып келет.
Адина Асылбекова