Президент Садыр Жапаров 2026-жылга жана 2027–2028-жылдарга пландалган мезгилге карата Милдеттүү медициналык камсыздандыруу фондунун (ММКФ) бюджети жөнүндө мыйзамга кол койду. Мыйзам 2024-жылдын 25-декабрында Жогорку Кеңеш тарабынан кабыл алынган. 2026-жылга карата негизги көрсөткүчтөр: Фонддун бюджети республикалык бюджеттен бөлүнгөн каражаттар жана Соцфонддон түшкөн милдеттүү медициналык камсыздандыруу төгүмдөрүнүн эсебинен түзүлөт.
Президенттин администрациясынын маалыматтык саясат бөлүмүнүн башчысы Дайырбек Орунбеков айдоочулукка окутуунун баасы 100-200 миң сом болот деген кептерди четке какты. Анын айтымында, окутуунун баасы 19 миң сом болуп расмий бекитилди. «Азыр эле окутуунун баасы боюнча 19 миң сом болуп расмий чечим кабыл алынды, ал эми практика учурундагы күйүүчү май сыяктуу чыгымдарды окуучулар өздөрү көтөрөт. Бул мурдагы…
Былтыр Кыргызстанда жалпы кубаттуулугу 44 МВттан ашык сегиз чакан гидроэлектростанция ишке берилди. Бул тууралуу Энергетика министрлигинен билдиришти. Маалыматка ылайык, учурда Орто-Токой, Папан жана Ылдыйкы Тар чакан ГЭСтерин куруу иштерин активдүү уланууда. Бул объекттер өлкөнүн энергетикалык коопсуздугун камсыздоодо жана электр энергиясынын жетишсиздигин азайтууда олуттуу салым кошот деп күтүлүүдө.
Президент Садыр Жапаров автомектептерди мамлекеттик башкарууга өткөрүү чечими коррупциялык схемаларды токтотуу жана айдоочуларды даярдоонун сапатын жогорулатуу үчүн кабыл алынганын айтты. Анын айтымында, жеке автомектептердин көбү айдоочуларды сапаттуу окутпай, акча табууга гана кызыкдар болгон. Айдоочулук күбөлүктөр экзаменсиз, пара аркылуу алынган учурлар көп катталган. Натыйжада жол кырсыктары көбөйүп, Кыргызстанда жылына 900дөн ашык адам жол кырсыгынан каза болууда….
Эми үй-бүлөлүк зомбулукка жана адам сатуунун курмандыктарына кабылган кыз-келиндер 5200 кыска номерине чалса болорун Эмгек министрлиги билдирди. Линияда зомбулукка байланышкан маселелер, кризистик кырдаалдар жана психологиялык колдоо боюнча атайын даярдыктан өткөн кесипкөй психологдор жана консультанттар иштешет. Ыкчам байланыш апта боюу суткасына 24 саат Кыргызстандагы бардык мобилдик операторлор үчүн жеткиликтүү.Көрсөтүлгөн номерге чалган ар бир жаранга психологиялык колдоо,…
Бүгүн, 28-январда Садыр Жапаровдун Кыргызстандын президент кызматына киришкенине беш жыл толду. Президенттин Администрациясынын маалыматтык саясат кызматы Садыр Жапаровдун 2025-жылдын январь айынан бүгүнкү күнгө чейинки ишмердүүлүгүн чагылдырган сүрөттөрдү сунуштады. Бул сүрөттөрдүн көбү буга чейин эч жерде жарыяланган эмес.
Монополияга каршы жөнгө салуу кызматынын төрагасы Женалы Орозбаев Жогорку Кеңеште КМШ өлкөлөрүндөгү эттин баалары боюнча салыштырма талдоо сунуштады. Анын маалыматына ылайык, Кыргызстанда 1 кг уй эти (сөөгү менен) орто эсеп менен 680 сом турат — бул эң төмөн көрсөткүчтөрдүн бири. Салыштыруу үчүн, Казакстанда баа 650 сом деңгээлинде. Башка өлкөлөрдө баалар жогору: Тажикстан — 1 150…
Ысык-Көлдөгү жана Орто-Токой суу сактагычындагы сууга жакын жана сууда сүзүүчү канаттууларды кышкы эсепке алуу иштери жүргүзүлдү. Санакты Жаратылыш ресурстары, экология жана техникалык көзөмөл министрлиги УИАнын Биология институту жана Ысык-Көл биосфералык аймагынын дирекциясы менен биргеликте өткөрдү. Канаттуулар жыл сайын кыш, жаз жана күз мезгилдеринде экодемографиялык мониторингден өтөт. Адистердин айтымында, бул изилдөө Борбор Азиядагы маанилүү миграциялык каттам…
Нарын облусунун Ак-Талаа районунун Тоголок Молдо айылынын тургуну Бото Күрөңкеев унутулуп, саны азайып бара жаткан төө багуу менен алектенип келет. Бул иш анын үй-бүлөсүндө муундан-муунга өтүп келген. Анын атасы 1980-жылдардан бери төө багып келсе, бүгүнкү күндө бул ишти уулу Бото Күрөңкеев улантууда. Төө багуу түйшүгү оор болгону менен, бул мал кыргыз тоолорунун шарттарына өзгөчө ыңгайлашкан….
Кыргызстанда билим берүү, илим жана саламаттык сактоо тармактарында жаңы талаптар киргизилди. Президент Садыр Жапаров тиешелүү мыйзамга кол койду. Документ медицина жана фармацевтика тармагындагы билим берүүгө коюлган талаптарды кыйла күчөтөт. Мыйзамга ылайык, медицина жана фармацевтика боюнча окуу программаларын ишке ашырган бардык билим берүү мекемелери милдеттүү түрдө мамлекеттик аккредитациядан өтүүгө тийиш. Аккредитациядан өтпөгөн окуу жайлар студент кабыл…
