Бета мууну — 2025-жылы төрөлүп, жасалма интеллект дүйнөсүндө өсүп келе жаткан тарыхтагы эң чоң муунга айланышы мүмкүн.Муундар хронологиясынын жаңы барагы 2025-жылы Бета муунунун келиши менен башталды.Миллениалдардан, Z муунунан жана Альфа муунунан кийин бул жаңы когорта жасалма интеллект, автоматизация жана климаттык туруктсуздук түп-тамырынан өзгөрткөн дүйнөдө чоңоёт.Аты-жөнү, мурунку Альфа мууну сыяктуу эле, грек алфавитинен алынган — мындай ат коюу салтын австралиялык демограф Марк Маккриндл сунуштаган.
2025–2039-жылдары төрөлгөн бул муун 2030-жылга карата 2 миллиарддан ашуун жаш мүчөлөрү менен тарыхтагы эң чоң муунга айланышы күтүлүүдө.Бул балдар толугу менен ИИ жардамы менен өскөн алгачкы муун болушу мүмкүн жана мурдагы муундарга таандык болгон түшүнүктөрдү таптакыр билбей чоңоёт. Мисалы : нак акча, кол менен жазылган үй тапшырма же өзүң айдап жүргүн автомобиль.
Албетте, муундарга ат коюу конкреттүү адамдын жүрүм-турумун алдын ала айта албайт, бирок дүйнөлүк тенденциялар, технологиялар жана өзгөрүп жаткан баалуулуктар убакыт өтүшү менен ким экенибизди кантип калыптандырарын түшүнүүгө жардам берет.Бета мууну өздөрүнө чейинки муундардын мурастарын жана көйгөйлөрүн кабыл алып, ошол эле кезде өз келечегин өзү кура баштайт.
2035-жылы Бета мууну дүйнөлүк калктын 16% түзөт деп күтүлүүдө. Алар климаттын өзгөрүшү жана демографиялык өзгөрүүлөр сыяктуу глобалдык көйгөйлөр менен күрөшүп, дүйнөлүк көйгөйлөрдү чечүүгө өз салымдарын кошот. Алар ата-энелеринин баалуулуктарын, анын ичинде туруктуу өнүгүү, теңдик жана социалдык жоопкерчилик сыяктуу маанилүү принциптерди өздөрүнүн дүйнөсүнө кабыл алышат.
Ошентип, Бета муунунун дүйнөсү технологиялар менен кошо, ошондой эле айлана-чөйрөнү коргоо жана жаратылышты сактоо боюнча терең ойлонулган кадамдарды талап кылат.
Адина Асылбекова