Ички иштер министрлигинин мыйзам долбоору Жогорку Кеңеште каралууда. Тажатма тилемчиликтин деңгээлин төмөндөтүү үчүн аларга айып пул салуу, чет жактан келген кайырчыларды мекенине депортациялоо сунушталууда.
Март айында өтөт деп жарыяланган 13-округдагы шайлоого талапкер болгондордун күрөө акчасы кайтарылат. БШКдан маалымдагандай, 25 талапкердин күрөө акчасы жалпы 7 млн сомду түзгөн. Буга чейин талапкерлердин бири Бишкек шаардык административдик сотуна БШКнын кайра шайлоо өткөрбөө чечимине каршы доо арыз менен кайрылган. Бирок, сот чечимди күчүндө калтырды
Парламенттин Эл аралык иштер, коргонуу, коопсуздук жана миграция боюнча комитети Улуттук коопсуздук боюнча мамлекеттик комитеттин жетекчиси кызматына Жумгалбек Шабданбековдун талапкерлигин жактырды.
УКМК «Решение», «Идальго» жана «Бишкек-Маяк» аттуу реабилитациялык борборлордун ишин текшерип, мыйзам бузууларды аныктады. Алар бейтаптарды таңып, электрошокер менен кыйнашкан. Ошондой эле борборлордун биринде эки бейтап каза болгону кабарланды. Иликтөөнүн алкагында аталган жайларда жетекчилик кызматты аркалаган жети адам камакка алынды.
Урматбек Шамырканов Өзгөчө кырдаалдар министринин милдетин аткаруучу болуп дайындалды. Анын талапкерлиги Кыргыз Республикасынын Өзгөчө кырдаалдар министри кызматына дайындоо үчүн Кыргыз Республикасынын Жогорку Кенешине макулдашууга киргизилди. Транспорт жана коммуникациялар министринин милдетин аткаруучу болуп Талантбек Солтобаев дайындалды. Анын талапкерлиги да макулдашуу үчүн парламентке жөнөтүлдү. Ошондой эле Акыл Токтобаев жаратылыш ресурстары, экология жана техникалык көзөмөл министринин милдетин аткаруучу…
Бул тууралуу Президенттин аппаратынын басма сөз кызматы билдирди. Президент Садыр Жапаров өзгөчө кырдаалдар министри Бообек Ажикеевди, жаратылыш ресурстары, экология жана техникалык көзөмөл министри Медер Машиевди, ошондой эле транспорт жана коммуникациялар министри Абсаттар Сыргабаевди ээлеген кызматтарынан бошотту.
Урматбек Шамырканов өзгөчө кырдаалдар министринин милдетин аткаруучу болуп дайындалды. Кыргыз Республикасынын өзгөчө кырдаалдар министринин кызмат ордуна дайындоо үчүн Шамырканов Урматбек Муслиновичтин талапкерлиги Кыргыз Республикасынын Жогорку Кеңешине макулдашуу үчүн киргизилет.
Президент Садыр Жапаров Камчыбек Ташиев менен мамилеси тууралуу суроого жооп берип, мурдагы позициясында калганын билдирди. Анын айтымында, алар дос бойдон кала берет. Бирок Ташиев мындан ары мамлекеттик кызматка келбейт. “Дос эс алсын, ден соолугун карасын. Тегерегиндеги айрым адамдардан арылып, тазалансын. Тергөө органдары баарын тактап берет”, — деди президент. Мамлекет башчы азыр бул чечимге Ташиев таарынышы…
Президент Садыр Жапаров коомчулукта айтылып жаткан “түндүк-түштүк бөлүнүүсү күчөшү мүмкүн” деген кооптонууларга жооп берип, өлкөдө аймактык ажырымга жол берилбей турганын билдирди. Ал «Кабар» маалымат агенттигине кезектеги маегин берген. Анын айтымында, мындай бөлүнүүлөрдү саясатчылар жеке кызыкчылыгы үчүн козутуп келген. 2021-жылдан бери аймактар аралык ротация жүргүзүлүп, акимдер менен соттор 100 пайыз алмаштырылган. Бул кадам бөлүнүп-жарылууну азайтууга өбөлгө…
Саламаттык сактоо министрлиги сынактын негизинде КММАнын 20 бүтүрүүчүсүн эң көп суроо-талапка ээ болгон адистиктер боюнча чет өлкөдө ординатурада окууга тандап аларын билдирди. Бул тууралуу 14-февралда студенттер менен жолугушууда министрдин орун басары Бакыт Кадыралиев маалымдады. Программага катышуунун шарты катары адистердин Кыргызстанга кайтып келип, улуттук саламаттык сактоо тутумунда иштөөсү көрсөтүлдү. Ошондой эле клиникалык даярдоо жаңыланары айтылып, 3-курстан…
